«Уый æнхъæл нæ уыдтæн…»

Ныр 43 азы, æрвыл бон дæр сæумæйæ, уазал уа æви къæвда, хур бон æви асæст, хæдзарæй дыккæгæм астæуккаг скъоламæ, йæ куыстмæ, æнæзивæг æмæ хорз æнкъарæнтимæ фæцæйуайы, ацы скъолайы ирон æвзаг æмæ литературæйы ахуыргæнæг Тедеты Циала. Циала ахуыргæнæджы дæсныйад равзæрста, астæуккаг кълæсты ма куы ахуыр кодта, уæд. Уал азы дæргъы Циала куыд не ‘мбæлд зынтыл дæр, фæлæ куыд фæзæгъынц, адæймаг цы куыст бауарза, уымæн фенкъары æрмæстдæр йæ хæрзиуджытæ. Куыстмæ ахæм хорз ахаст чи равдисы, уымæн та йæ къухты алы хатт дæр бафты хорз, зæрдæрухсгæнæн æнтыстытæ.

Циала райгуырд æмæ схъомыл Знауыры районы Хъорнисы хъæуы. Каст фæцис ацы хъæуы астæуккаг скъола. Йæ сабибонты кæд алцæмæй дæр рухс кодта йæ зæрдæ, уæддæр бынтон æнæнхъæлæджы бинонтыл æрцыд æнамонд хабар. Цардæй æнæрæстæджы ахицæн йæ фыд Абел. Бинонты мæт æмæ сагъæстæ афтæ сбирæ сты, сæ ныфс афтæ фæцудыдта æмæ уæдмæ рог æмæ æнцонæй цы хъуыддæгтæ арæзтой, уыдон хæссын нал уыдис сæ бон. Бинонтæ сыхæгты, хиуæтты уарзт æмæ хорз ахаст уæдмæ дæр куыд нæ хатыдысты, фæлæ йæ уæдæй фæстæмæ банкъардтой хуыздæр.

Циала æнтысгæйæ каст фæцис Хъорнисы астæуккаг скъола æмæ ноджы æнтыстджындæрæй бацæуæн фæлварæнтæ радта Хуссар Ирыстоны паддзахадон педагогон институтмæ. Уый ахуыры æмæ институты царды активон хайад кæй иста, уый фæрцы цыбыр æмгъуыдмæ слæууыд хуыздæр студентты æмрæнхъ. Йæ ахæм удыхъæды тыххæй йын хорз кад уыд, куыд йе ‘мкурсонты ‘хсæн, афтæ ма йæ лекторты раз дæр. Æууæндыдысты йыл æмæ йын йæ бæрн кодтой бирæ алыгъуызон хæстæ, кæцыты æххæст кодта æнæкъулымпытæй.

Рæстæг цас дарддæр цыд уыйбæрц, Циала æнкъардта, йæ зонындзинæдтæ сæйраджыдæр къухты кæй бафтыдысты йæ ахуыргæнджыты хорз ахасты фæрцы. Æмæ, ныр нæ вæййы ахæм бон æмæ сæ ма ‘рымыса, сæ амындтæ ма ‘рлæууой йæ зæрдыл. Арæхдæр кæй æрæмысы уыдон хсæн вæййынц Багаты Павел, Битеты Герсан, Гæбæраты Мария, Дзуццаты Ксеня, Аврам, Тедеты Евген, æмæ æндæртæ.

Алы æвзонг адæймаг дæр фæтырны, цæмæй йын цард йæ разы цы хæстæ æвæры, уыдоныл аххæса, бакæна сæ. Институт фæуыны фæстæ Циала цæттæ уыд Ирыстоны кæцыфæнды скъоламæ ацæуынмæ, ахуыргæнæгæй кусынмæ, фæлæ уæд уыд æндæр фæтк, æндæр домæнтæ æмæ йæ ирон æвзаг æмæ литературæйы ахуыргæнæгæй арвыстойы Лагодехы районы Арешпераны хъæуы астæуккаг скъоламæ. Æвзонг чызгæн æнæзонгæ бынат тархъæды хуызæн уыд, фæлæ дзы Циала йæ фидар удыхъæд, иузæрдион æмæ хъæппæрисон архайд æмæ куысты фæрцы нæ ныдзæгъæлтæ. Йæ ахæм ахастæй æрмæст йæхицæн не скад кодта, фæлæ ма цы адæмæй рацыд, бирæ кæй уарзы, уыцы ирон адæмæн дæр. Циала ацы скъолайы кусгæйæ райста къорд хорзæхы, арфæйы гæххæтытæ, майдантæ, æхцайы премитæ æмæ æндæртæ. Ирыстонмæ куы здæхт, уæд цы ахуыргæнджытæ æмæ ахуыргæнинæгты ‘хсæн куыста, дæс азы цы хъæубæсты ‘хсæн арвыста уыдон æй фæндараст кодтой иууыл хуыздæр фæндиæгтимæ.

Циалайы царды иууыл стырдæр бынат бацахста 1977 аз. Уæд фæстæмæ æрыз-дæхт Ирыстонмæ. Цхинвалы дыккæгæм астæуккаг скъоламæ куыстагур куы бацыд, уæд ма скъолайы разамынд цин дæр бакодтой. Иуæй уымæн æмæ сæ хъуыд ирон æвзаг æмæ литературæйы ахуыргæнæг, иннæмæй та йæм куысты фæлтæрддзинад кæй уыд, уый тыххæй.

Нæ вæййы афтæ æмæ ног куысты адæймаг ма фембæла куыд ногдзинæдтæ, афтæ зындзинæдтыл дæр. Уыдон фæзындысты Циалайы раз дæр, фæлæ сæ нæ фæтарст. Æрæвнæлдта сæ аиуварс кæнынмæ æмæ уый, цыбыр рæстæгмæ йæ къухты æфтгæ дæр бакодта. Йæ ахæм хорз æмæ тыхджын удыхъæды тыххæй хорз бынат ссардта, кусын кæимæ райдыдта, уыцы ахуыргæнджыты ‘хсæн. Коллектив ма Циалайы бауарзтой йæ уæздан æмæ уарзæгой ахасты тыххæй дæр. Йæ дæс-ныйад куыд зоны, куыд æй амоны, уый тыххæй та йæ ахуыргæнинæгтæй сæ иу Зассеты Сослан афтæ зæгъы:

— Куыд ме ‘мкъласонтæ афтæ ма иннæ кълæсты ахуыргæнинæгтæ дæр зонынц, Циала Абелы чызг йæ дæсныйад æрмæст хорз кæй нæ зоны, фæлæ ма йæ бацамонын дæр. Фæагуры æмæ спайда кæны алыгъуызон методтæй. Абон бирæ кæмæйдæрты фехъусæн вæййы, зæгъгæ, ирон æвзагмæ нæ адæмы цымыдисдзинад цасдæр бæрцæй фæкъаддæр, фæлæ уый мæ хъуыдымæ гæсгæ бынтон раст нæу. Циала Абелы чызджы хуызæн ахуыргæнджытæ кæм ис, уым æвзаг цудгæ нæ, фæлæ кæндзæнис тыхджындæр.

Циала ацы скъолайы 43 азы кæй кусы, уымæй у буц æмæ сæрыстыр. Уымæн æмæ нæ паддзахадæн фылдæр разамонджытæ, хорз специалисттæ, ахуыргæндтæ æмæ фысджытæ чи радта, уыцы скъолатæй иу у, уый уал азы кæм кусы, уый. Йæ куыстыл дзургæйæ та ничи зæгъдзæнис æмæ йын нæ цæуы æмбæлон аргъ. Цалдæр азы размæ йын лæвæрд æрцыдис Колыты Аксойы номыл преми, «Республикæ Хуссар Ирыстоны сгуыхт ахуыргæнæг»-ы кадджын ном. Паддзахад æмæ йын хицауады ‘рдыгæй ис арфæйы гæххæтытæ. Хæрз æрæджы та Циалайæн лæвæрд æрцыдис «Адæмон ахуыргæнæг»-ы кадджын ном. Ацы хорзæхы тыххæй Циала загъта, зæгъгæ, хорзæх ын уæлдай адджындæр у уымæн æмæ у коллективы иумæйаг фæнд.

Зыдтон, мæ куыстæн мын хорз аргъ кæй кæнынц, фæлæ мын ахæм стыр кад скæндзысты, уый æнхъæл нæ уыдтæн. Æрбалæууыд ног 2020 аз æмæ сын мæ зæрдæ зæгъы нæниздзинад, амонд æмæ хæрзиуджытæ!

ГÆЗЗАТЫ Иван
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Информация

Посетители, находящиеся в группе Гости, не могут оставлять комментарии к данной публикации.
Мегафон Мегафон

Экстренные службы

  • 112 – МЧС РЮО
  • 101 – Пожарная служба
  • 102 – Милиция
  • 103 – Скорая мед. помощь
  • 104 – Аварийная служба газа
  • 8098595 – Водоканал
  • 806 5030 – Защита прав потребителей
  • 805 47 71 – Вывоз строительного и бытового мусора
ЮОГУ

Потолки

Цитаты

Если у тебя получилось обмануть человека, это не значит, что он дурак, это значит, что тебе доверяли больше, чем ты этого заслуживаешь.
***
Когда мне было 5 лет, мама всегда твердила мне, что самое важное в жизни — быть счастливым. Когда я пошел в школу, меня спросили, кем я хочу стать, когда вырасту. Я написал «счастливым». Мне сказали – «ты не понял задание», а я ответил — «вы не поняли жизнь».
***
Настоящий друг — это человек, который выскажет тебе в глаза все, что о тебе думает, а всем скажет, что ты — замечательный человек. © Омар Хайям,
***
Не всегда просит прощения тот, кто виноват. Просит прощения тот, кто дорожит отношениями.
***

Все комментарии

Энергоресур

Объявления

Радио ОНЛАЙН!

Радио ОНЛАЙН!