Уастырджийы кувæн къуыри

Æрбахæстæг та кæны не стыр бæрæгбон – Уастырджийы кувæн къуыри.
Бирæтæ йæ хонынц Джеоргуыба, иннæтæм уыцы ном бæрæгбонæн раст нæ кæсы. Æз мæхæдæг къорд азты фæфыстон уый тыххæй, æмæ уæлдай ницыуал бафтаудзынæн. Мæ ныхас ууыл нæу. Ахсджиагдæр мæм кæсы, куыд сæмбæлæм ацы стыр бæрæгбоныл, цы хъуыдытимæ, цы зæрдæимæ. Куыд арвитæм Уастырджийы кувæн къуыри, айдагъ хæргæ æмæ нуазгæйæ, æви æцæг æппæтадæмон бæрæгбонау? Æвæццæгæн нæ фыдæлтæ абоны цæстæнгасæй куы кастаиккой ацы бæрæгбонмæ, уæд æй схуыдтаиккой «Фынгыл бадæн, кæнæ цæлгæнæн къуыри». Фæлæ кæд хуины «Уастырджийы кувæн къуыри» уæд дзы нæ рагфыдæлтæ арфдæр мидис æвæрдтой. Æнæмæнг фынг нæ ирон царды ахсы тынг стыр бынат. Кувгæ дæр фæкæнæм æртæ кæрдзынимæ фынджы уæлхъус, æмæ уыцы фынджы æвæрд, йæ бацæттæ кæнын, хорз фæтк, хорз æгъдау дзы сæвæрын сты бæрæгбонæн йæ сæйраг домæнтæ. Уым алы сыхбæстæ дæр хъуамæ равдиса йæ сæрæндзинад. Хъыгагæн, фарон къуырисæры дыууæ сахаты фæзылдтæн БАМы кæртытыл, фарстон цæрджыты, æмæ куыд рабæрæг, афтæмæй бирæ сыхты бæрæгбон кæнынмæ уæвгæ дæр нæ хъавыдысты. Кæмдæрты сæ иумæйаг хъæдзæрттæ быронæй байдзаг сты, бæрæг у пайда дзы нæ кæнынц. Уый ууыл дзурæг у, æмæ нæ сыхбæстæйы Фарн æмæ бастдзинад сæфынц. Кæй аххосæй?

Чидæр йæхи бинонтыл, йæхи æхсызгондзинадыл тыхсы, æмæ уый нымайы фагыл. Нæ йæ хъæуынц сых, æрвадæлтæ, хиуæттæ. Уыдæттæ тынгдæр хауынц хистæртæм, уыдон хъуамæ райсой сæхимæ сыхбæсты мидæг иумæйаг хъæуыддæгтæн уынаффæ кæныны хæс. Зонæм æй не’ппæтдæр Дзæуджыхъæуы бирæ стыр хæдзæртты хистæр бæрæг кæй нал ис. Ахæм рæтты иу кæстæртæ размæ куы ракъахдзæф кæниккой, æмæ уыцы хæстæ сæхимæ куы райсиккой, уæд уаид хуыздæр. Рагон кадæджы хæхбæстæм знаг куы ныббырста, æмæ нæлгоймæгтæ бынаты куынæ разындысты, уæд уайсадæг чындз йæ уайсадын фæуагъта æмæ йæ зæронд хицауимæ знæгты ныхмæ æрлæууыдис. Гъе, ахæм рæстæг æркодта абон дæр, æмæ нæ Ирон Æгъдауыл тохы кæмæн куыд йæ бон у, афтæмæй архайæд. Фарон, Иры Стыр Ныхасы курдиатмæ гæсгæ, ноябыры фæстаг æххæст къуырийæн йæ къуырисæр Парламенты æмæ республикæйы Сæргълæууæджы бардзырдмæ гæсгæ фидаргонд æрцыд официалон бæрæгбон – улæфæн бонæй. Мах уæд фæсидтыстæм адæммæ, цæмæй уыцы бонæй спайда кæной айдагъ фынгтæ бацæттæ кæнынмæ нæ, фæлæ кæртыты кæстæртæн дæр бæрæгбон саразынмæ. Бирæ сыхтæ байхъуыстой, сарæзтой ерыстæ, хъæзтытæ, радтой сывæллæттæн зæрдылдарæн лæвæрттæ дæр. Уыцы кæстæртæ сæ зæрдыл бадардтой, бæрæгбон уыдоны дæр кæй у, дардзысты йæм раст цæстæнгас, æмбардзысты йын йæ мидис. Мæхи кæрты дæр цалдæр хорз хъæппæрисджын лæджы фæрцы уыдис ахæм бæрæгбон. Цыдис дзы алы хуызы ерыстæ кæстæрты ‘хсæн, æмæ дзы уыдон цингæнгæ тынг зæрдиагæй архайдтой. Кæртæй бон изæрмæ дардмæ хъуыстис ирон фæндыры цагъд æмæ хъазты унæр. Фæстæдæр, бадты рæстæг, хистæртæ фæдзырдтой ерысты архайæг фæсивæдмæ æмæ сын ракодтой хорз арфæ. Уый тынг хорз хъуыддаг у. Нæ сагъæс æдзухдæр кæстæртыл у, кувгæ дæр уыдоны хорздзинадмæ бæлгæйæ фæкæнæм, æмæ хъуамæ не стырдæр бæрæгбон дæр уой нæ фарсмæ, архайой сæ фыдæлты Фарнæй фæхайджын уæвыныл æмæ йæ кадимæ дарддæр хæссыныл.

Уæ хорзæхæй, бафæзмут ахæм сыхбæстæты. Саразут иумæйаг куывдтæ, фæсидут уæ кæстæртæм дæр æмæ сын бацамонут хорз зонд, хорз æгъдау. Уыдон хъуамæ комкоммæ архайой уыцы бæрæгбоны, хæдзары компютертæ æмæ телефонтыл бадыны бæсты саразой ерыстæ, ирон хъазт изæртæ. Æппæт дæр аразгæ у ныййарджытæй, уыдоны хорз хъæппæрисæй. Чи йæ равдиса, уыдонæн иу Иунæг Кадджын Стыр Хуыцау æмæ Уастырджи хуыздæр арфæ ракæнæнт! Уе’ппæты дæр сæ хорзæх уæд! Кучиты Руслан

Подробнее: http://region15.ru/uastyrdzhijy-kuvaen-kuyri/?utm_medium=social&utm_source=facebook&fbclid=IwAR1jrqxesngwk6aOzFwkrVdJcSmUCWPGmMV7Rd3G8aHbjh4N5Ni4YhO_YmA
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Информация

Посетители, находящиеся в группе Гости, не могут оставлять комментарии к данной публикации.

 

хлеб

 

 

Экстренные службы

  • 112 – МЧС РЮО
  • 101 – Пожарная служба
  • 102 – Милиция
  • 103 – Скорая мед. помощь
  • 104 – Аварийная служба газа
  • 8098595 – Водоканал
  • 806 5030 – Защита прав потребителей
  • 805 47 71 – Вывоз строительного и бытового мусора

Цитаты

Иногда хватает мгновения, чтобы забыть жизнь, а иногда не хватает жизни, чтобы забыть мгновение. Джим Моррисон
***
Каждый живет, как хочет, и расплачивается за это сам. Дориан Грей
***
Сильные люди не любят свидетелей своей слабости. Маргарет Митчелл
***
У людей теперь нет времени друг для друга. Кларисса Маклеллан
***
Хорошие друзья, хорошие книги и спящая совесть – вот идеальная жизнь. Марк Твен

Все комментарии

 

камеры

Объявления

Продается животноводческая Ферма в с.Рындзы хъау (Ожора) Знаурского района РЮО, прилегающая территория 23га, подробности по т.89298056949
***

Услуги по заправке картриджей и ремонту принтеров . Быстро недорого с гарантией!
10 лет качественной работы! Так же продаются Б/У принтеры в хорошем состоянии, фирмы: Canon, Samsung , HP и Xerox. Телефон для справок +7 929 804 44 74, спросить Колю

***
***

Радио ОНЛАЙН!

Радио ОНЛАЙН!