Ныхас дзы кодтой Ирыстоны эмигранттæ 19-æм - 20-æм æнусты æндæр бæстæтæм куы алыгъдысты, уыцы цауты тыххæй. Мадзалы амидигæнджытæ сты: политолог, æсæнадон архайæг Кокойты Таймураз, нæ республикæйы сæргълæууæджы æхсæнадон æххуысгæнджыты цæдис æмæ Цæгат Ирыстоны Ахуырад æмæ наукæйы министрад. Æмбырды архайдтой Æрыдоны æмæ Горæтгæрон районы скъоладзутæ æмæ студенттæ. Мадзал аразæг Кокойты Таймуразы ныхæстæм гæсгæ, ацы проект саразыны хъуыды йæм фæзынд чиныг “Осетины в Америке и Канаде”, зæгъгæ, куы бакаст, уый фæстæ. Дзырд дзы цæуы, документалон æрмæг ирæттæ 19-20 æнусы райдийаны Цæгат Ирыстонæй куы сыстадысты æмæ дард Америкæ æмæ Канадæмæ куы ацыдысты, уый тыххæй. Се `хсæн уыдысты Сæлбиты Тембол, Елойты Виссарион, Агуызарты Павел, Хадаты æфсымæртæ æмæ æндæртæ. Æмбырдмæ саккаг кодтой чиныгмæ хаст мыггæгты минæвæрттæ дæр. Амидингæнæджы ныхæстæм гæсгæ, ахæм мадзал кæстæр фæлтæрæн æнæмæнг у пайда. Хъомыл кæны фыдыбæстæмæ уарзондзинад.