22 aprely respublikæmæ kusægon balcy ærcydis XPÆ-jy bæstætæ-xajadisdžytimæ, Respublikæ Xussar Iryston æmæ Respublikæ Abxazimæ socialon-ekonomikon æmkuystkænynady fædyl Uæræsejy Federacijy Upravlenijy xistær Oleg Govorun.
Vizity ræstædžy Oleg Govorunæn fembæld uyd RXI-jy Prezident Tybylty Leonidimæ, cyran uynaffæ cydis 2014 azæn Xussar Irystony socialon-ekonomikon ræztæn aqazgænæg Investicion programmæmæ xast či ærcydysty, uycy obhektty aræztady farstatyl.
Uæræsejy Prezidenty Upravlenijy xistær nyfs baværdta, Uæræsejy Federacijy 'rdygæj aræztcæuæg obhektty finanskænynady khuylympytæ kæj næ uydzæn.
Uyimæ ma fembældy xajadisdžytæ æruynaffæ kodtoj 2015-2017 aztæn RXI-jy socialon-ekonomikon ræztæn aqazgænæg Investicion programmæjy proektyl, aftæ ma Æxsænxicauadon khamisy rabadtmæ cættæ kænyny farstatyl, cyran ærkastæudzæn 2015-2017 aztæn Investprogrammæmæ.
Uycy bon Uæræsejy Federacijy Prezidenty Upravlenijy xistær Oleg Govorun æmæ RXI-jy Xicauady Særdar Quylymbegty Domenti ærzyldysty khord aræztcæuæg obhekttyl. Uydon fedtoj Cxinvaly rajony administracijy æmæ goræty ævdæm astæukkag skholajy bæstyxæjtty ændidzyngænæn kuystytæ kuyd cæuync, uyj, bacydysty Cxinvaly qædkuysty kombinatmæ, goræty donsyhdæggænæn aræztædtæm.

Uyj razmæ ta basgærstoj Dzauy rajony administracijy, Dzauy rajonon rynčyndony, aftæ ma Cxinvalæn cægatvarsærdygæj cy 4 biræfateron xædzærttæ ræzync, uydony aræztadon kuystytæ kuyd cæuync, uyj.
Iumiagæj sisgæjæ, Oleg Govoruny nyxæstæm gæsgæ, uyj bazzad rajgondæj, 2014 azæn Investicion programmæ kuyd realizaci cæuy æmæ jæm cy obhekttæ bacydysty, uydony aræztadon kuystytæ kuyd æxxæst cæuync, uymæj.
RXI-jy Prezidenty sajt