Дæндаг низимæ уазæг уаты
14 декабря 2007 Дайджест [читать комментарии] [размер шрифта: a- | А+] [2 987 просмотров] [версия для печати]
4 декабры Михаил Саакашвилийæн уыд фембæлд Тбилисы паддзахадон университеты студенттимæ. Студенттимæ ныхас кæнгæйæ экс-президент ацы хатт уыд бынтон æргом. Уый æргом басаст гуырдзиаг-ирон хъаугъайы зонæйы провокацитæ кæй сты æрмæстдæр гуырдзиаг спецслужбæты фæрцы. «Цхинвалы регионы рагæй нал хъуысы æхстыты уынæр, уый та у гуырдзиаг афицертæ æмæ полициæгты хæрзиуæгæн», - загъта экс-президент.
Æмæ æцæгæйдæр, Саакашвили у бынтон раст. Уæдæ Гуырдзыстоны мидхъуыддæгты министрады кусджыты йедтæмæ æндæр кæмæй фæбузныг уæм, æхстытæ кæй нал ис, уымæй? Раздæр уыдон алы æхсæв дæр æхстой Хуссар Ирыстоны цæрæн пункттæм, ныр та нал æхсынц. Уæдæ афтæ, Республикæ Хуссар Ирыстоны æмбæстæгтæ, кæцытæн Гуырдзыстонмæ ис æнæфидыдады ахаст, хъуамæ бафиппайой: сæ территорийыл рæстæгмæ сабырдзинад кæй ис гуырдзыйы полициæгты фæрцы. Уыдон раздæр дæр куы банцадаиккой се хсынæй, уæд сабырдзинад ноджы раздæрæй уыдаит. Ацы «хæрзиуæг» уый тыххæй нæу, æмæ гуырдзыйы спецслужбæтæн сæ зæрдæтæ сæхиуыл æрхудтысты, кæнæ та ирæттæм сæ ахаст фæивтой. Фæстаг къуыриты сæ Хуссар Ирыстонмæ не ‘вдæлы – сæхимæ цы хъуыддæгтæ цæуы, уыдон сæ сæрæй уæлдæр сты æмæ сæ ирæттæ нæма æндавынц. Уый тыххæй кæд уыдон рæстæгмæ сæхи уромынц провокацитæ кæнынæй, уæддæр сæ къух нæ исынц Хуссар Ирыстоны ныхмæ хæстон хъуыддæгтæ райтынг кæныныл.
Æнæнхъæлæджы «æргомзæрдæ» Саакашвили дæр уый не ‘мбæхсы. Æнцойад ын нæ дæттынц Хуссар Ирыстон æмæ йæ хæдбардзинадмæ тырнынад. Æнæхъуаджы йæ экс-президент кæлмхæрд дæндагимæ нæ абарста. Æнæсæттон республикæ та йын кæлмхæрд дæндагау цъус хъизæмæрттæ æмæ æгъуыссæг æхсæвтæ не ‘взарын кæны. Саакашвилийы та тынг фæнды уыцы «дæндаг» æд бындзæфхад стонын æмæ йæ, боны фæстагмæ, ферох кæнын йæ бирæазон проблемæтимæ.
Саакашвилийы ныхæстæм гæсгæ, уый ныридæгæн дæр цæттæ у уыцы операцимæ. Студенттимæ фембæлды куыд фехъусын кодта, афтæмæй «ацы фарст у къуыриты кæнæ мæйты хъуыддаг». Ома, сайы? Нæ! Ацы хатт æгæр раст æмæ æргом дæр у… Æрмæст Саакашвили уый нæ хынцы æмæ операцитæ æнæрисгæ кæй нæ вæййынц. Куыдфæнды ма архайа, уæддæр уыцы «риссаг дæндаг» æнæ тугæй срæдувдзæни, рæдувыны рæстæджы та цъус нæ ныккæлдзæн сегасæй дæр уый, гуырдзиаг туг.
Уый тыххæй мæ тынг фæнды тбилисаг фюреры бафæдзæхсын: ноджы ма иу хатт ахъуыды кæн, ацу, куыд уарзыс, афтæ фæсокеанмæ дæр, бауынаффæ кæн ноджы фæлтæрддæр «стоматологтимæ». Уыдон дын бацамондзысты, алы дæндагæн дæр (тынг риссаг куы уа, уæддæр) кæй ис тынг фидар уидæгтæ. Æмæ бæрæг нæу, ацы операци дæуæн куыд ацæудзæн… Рæстытæ дзурын кæй райдыдтай, уый хорз у! Кæронмæ дæр дæхи раз дæр æмæ дæ адæмы раз дæр афтæ фæдфæдылон æмæ æууæнкджын у. Нæ хъæуы алыгъуызон дам-думтæ парахат кæнын, куыд, зæгъæм, «уырыссæгтæ цалдæр хатты дзырдтой Хуссар Ирыстон сæ кæй нæ цымыдис кæны, уый тыххæй». Цымæ кæцы уырыссæгтæ дзырдтой?! Æвæццæгæн «Иууон Уæрæсейы» лидер Грызлов, кæцы æнæхъæн дунейæн фехъусын кодта, ног арæзт Паддзахадон Думæйы иууыл фыццагдæр фарстытæй иу кæй уыдзæн Абхаз æмæ Хуссар Ирыстоны республикæты хæдбардзинад банымайыны фарст. Æви Уæрæсейы Централон Æвзарæн къамисы сæрдар Чуров, кæцы баныфс æвæрдта, 2008 азы Уæрæсейы президентон æвзæрстыты рæстæджы иууыл тынгдæр йæ хъус кæй æрдардзæн, Хуссар Ирыстоны æвзæрстытæ куыд ацæудзысты, уымæ. Æви «Газпром» æмæ Уæрæсейы акционерон æхсæнады иууон энергетикон службæты уыцы уырыссæгтæ, кæцытæ хардз кæнынц миллиардтæ Хуссар Ирыстоны энергетикон инфраструктурæ фæхуыздæр кæныныл?
Ацы фарстæй алцы дæр æмбæрстгонд у: хъизæмарæй йæ чи мары, уыцы «дæндаг» тыхы фæрцы стоныныл куы бафæлвара Саакашвили, уæд ыл ахæм бындзæфхæдтæ сæмбæлдзæнис, æмæ бынтондæр æнæ дæндаг баззайдзæнис.
Цымыдисон уый у, æмæ 4 декабры Саакашвили Тбилисы паддзахадон университеты æппæт студенттæн не ‘ргом кодта йе «стоматологион» сусæгдзинæдтæ, фæлæ сæрмагондæй равзæрстгонд къордæн. Уый та куыд?! Рацыд адæммæ хицауиуæгады партийæ президенттæм кандидат, уадзы æвзæрстыты агъоммæ агитаци – уый хъуамæ йæ цармæй дæр бырит, цæмæй йæм фылдæр патенциалон æвзарджытæ байхъусой æмæ йæ феной! Фæлæ уый та рауад зыгъуыммæ: растдæр уыцы студенттæ-æвзарджытæ, кæцытæ университеты бæстыхайы раз уадзынц протесты акци, уагъд не ‘рцыдысты экс-президентимæ фембæлдмæ. Æвæццæгæн, Саакашвили æмбары, «æнæбацæттæгонд» студенттæ, растдæр зæгъгæйæ та æмбæлон инструктаж чи нæ рацыд, уыдон ын йæ демагогон сидтытæм хъусгæ дæр кæй нæ бакодтаиккой, йæ дзæнгæдатыл ын худтаиккой æмæ æхситт кодтаиккой. Уый тыххæй фембæлд ауагъта æрмæстдæр æвзæрстгæндтимæ, кæцытæ йæм сæ цæст æнæфæныкъулгæйæ хъуыстой йæ риссаг дæндæгты кæйттæм.
Уымæн дæр ницы у, фæлæ Гуырдзыстоны президентæн йæ зæрды ис Хуссар Ирыстонимæ хæцынмæ арвитын, иузæрдиондзинад æм чи æвдыста, уыцы студентты нæ, фæлæ университеты раз чи протест кодта, уыдоны. Уым диссагæй ницы уыдзæн, абон сæ «фæтæгмæ» кæй нæ бауагътой, уыцы æвзæнгтæ та сом сæ къухмæ куы райсой дуртæ æмæ хъилтæ, 7 ноябры куыд уыд, афтæ… Гæнæн ис, æмæ уæд Саакашвили йæ «риссаг дæндагимæ» æндæр цыдæртæ дæр фесафа!
"Хурзарин"
ИА ОСинформ
Æмæ æцæгæйдæр, Саакашвили у бынтон раст. Уæдæ Гуырдзыстоны мидхъуыддæгты министрады кусджыты йедтæмæ æндæр кæмæй фæбузныг уæм, æхстытæ кæй нал ис, уымæй? Раздæр уыдон алы æхсæв дæр æхстой Хуссар Ирыстоны цæрæн пункттæм, ныр та нал æхсынц. Уæдæ афтæ, Республикæ Хуссар Ирыстоны æмбæстæгтæ, кæцытæн Гуырдзыстонмæ ис æнæфидыдады ахаст, хъуамæ бафиппайой: сæ территорийыл рæстæгмæ сабырдзинад кæй ис гуырдзыйы полициæгты фæрцы. Уыдон раздæр дæр куы банцадаиккой се хсынæй, уæд сабырдзинад ноджы раздæрæй уыдаит. Ацы «хæрзиуæг» уый тыххæй нæу, æмæ гуырдзыйы спецслужбæтæн сæ зæрдæтæ сæхиуыл æрхудтысты, кæнæ та ирæттæм сæ ахаст фæивтой. Фæстаг къуыриты сæ Хуссар Ирыстонмæ не ‘вдæлы – сæхимæ цы хъуыддæгтæ цæуы, уыдон сæ сæрæй уæлдæр сты æмæ сæ ирæттæ нæма æндавынц. Уый тыххæй кæд уыдон рæстæгмæ сæхи уромынц провокацитæ кæнынæй, уæддæр сæ къух нæ исынц Хуссар Ирыстоны ныхмæ хæстон хъуыддæгтæ райтынг кæныныл.
Æнæнхъæлæджы «æргомзæрдæ» Саакашвили дæр уый не ‘мбæхсы. Æнцойад ын нæ дæттынц Хуссар Ирыстон æмæ йæ хæдбардзинадмæ тырнынад. Æнæхъуаджы йæ экс-президент кæлмхæрд дæндагимæ нæ абарста. Æнæсæттон республикæ та йын кæлмхæрд дæндагау цъус хъизæмæрттæ æмæ æгъуыссæг æхсæвтæ не ‘взарын кæны. Саакашвилийы та тынг фæнды уыцы «дæндаг» æд бындзæфхад стонын æмæ йæ, боны фæстагмæ, ферох кæнын йæ бирæазон проблемæтимæ.
Саакашвилийы ныхæстæм гæсгæ, уый ныридæгæн дæр цæттæ у уыцы операцимæ. Студенттимæ фембæлды куыд фехъусын кодта, афтæмæй «ацы фарст у къуыриты кæнæ мæйты хъуыддаг». Ома, сайы? Нæ! Ацы хатт æгæр раст æмæ æргом дæр у… Æрмæст Саакашвили уый нæ хынцы æмæ операцитæ æнæрисгæ кæй нæ вæййынц. Куыдфæнды ма архайа, уæддæр уыцы «риссаг дæндаг» æнæ тугæй срæдувдзæни, рæдувыны рæстæджы та цъус нæ ныккæлдзæн сегасæй дæр уый, гуырдзиаг туг.
Уый тыххæй мæ тынг фæнды тбилисаг фюреры бафæдзæхсын: ноджы ма иу хатт ахъуыды кæн, ацу, куыд уарзыс, афтæ фæсокеанмæ дæр, бауынаффæ кæн ноджы фæлтæрддæр «стоматологтимæ». Уыдон дын бацамондзысты, алы дæндагæн дæр (тынг риссаг куы уа, уæддæр) кæй ис тынг фидар уидæгтæ. Æмæ бæрæг нæу, ацы операци дæуæн куыд ацæудзæн… Рæстытæ дзурын кæй райдыдтай, уый хорз у! Кæронмæ дæр дæхи раз дæр æмæ дæ адæмы раз дæр афтæ фæдфæдылон æмæ æууæнкджын у. Нæ хъæуы алыгъуызон дам-думтæ парахат кæнын, куыд, зæгъæм, «уырыссæгтæ цалдæр хатты дзырдтой Хуссар Ирыстон сæ кæй нæ цымыдис кæны, уый тыххæй». Цымæ кæцы уырыссæгтæ дзырдтой?! Æвæццæгæн «Иууон Уæрæсейы» лидер Грызлов, кæцы æнæхъæн дунейæн фехъусын кодта, ног арæзт Паддзахадон Думæйы иууыл фыццагдæр фарстытæй иу кæй уыдзæн Абхаз æмæ Хуссар Ирыстоны республикæты хæдбардзинад банымайыны фарст. Æви Уæрæсейы Централон Æвзарæн къамисы сæрдар Чуров, кæцы баныфс æвæрдта, 2008 азы Уæрæсейы президентон æвзæрстыты рæстæджы иууыл тынгдæр йæ хъус кæй æрдардзæн, Хуссар Ирыстоны æвзæрстытæ куыд ацæудзысты, уымæ. Æви «Газпром» æмæ Уæрæсейы акционерон æхсæнады иууон энергетикон службæты уыцы уырыссæгтæ, кæцытæ хардз кæнынц миллиардтæ Хуссар Ирыстоны энергетикон инфраструктурæ фæхуыздæр кæныныл?
Ацы фарстæй алцы дæр æмбæрстгонд у: хъизæмарæй йæ чи мары, уыцы «дæндаг» тыхы фæрцы стоныныл куы бафæлвара Саакашвили, уæд ыл ахæм бындзæфхæдтæ сæмбæлдзæнис, æмæ бынтондæр æнæ дæндаг баззайдзæнис.
Цымыдисон уый у, æмæ 4 декабры Саакашвили Тбилисы паддзахадон университеты æппæт студенттæн не ‘ргом кодта йе «стоматологион» сусæгдзинæдтæ, фæлæ сæрмагондæй равзæрстгонд къордæн. Уый та куыд?! Рацыд адæммæ хицауиуæгады партийæ президенттæм кандидат, уадзы æвзæрстыты агъоммæ агитаци – уый хъуамæ йæ цармæй дæр бырит, цæмæй йæм фылдæр патенциалон æвзарджытæ байхъусой æмæ йæ феной! Фæлæ уый та рауад зыгъуыммæ: растдæр уыцы студенттæ-æвзарджытæ, кæцытæ университеты бæстыхайы раз уадзынц протесты акци, уагъд не ‘рцыдысты экс-президентимæ фембæлдмæ. Æвæццæгæн, Саакашвили æмбары, «æнæбацæттæгонд» студенттæ, растдæр зæгъгæйæ та æмбæлон инструктаж чи нæ рацыд, уыдон ын йæ демагогон сидтытæм хъусгæ дæр кæй нæ бакодтаиккой, йæ дзæнгæдатыл ын худтаиккой æмæ æхситт кодтаиккой. Уый тыххæй фембæлд ауагъта æрмæстдæр æвзæрстгæндтимæ, кæцытæ йæм сæ цæст æнæфæныкъулгæйæ хъуыстой йæ риссаг дæндæгты кæйттæм.
Уымæн дæр ницы у, фæлæ Гуырдзыстоны президентæн йæ зæрды ис Хуссар Ирыстонимæ хæцынмæ арвитын, иузæрдиондзинад æм чи æвдыста, уыцы студентты нæ, фæлæ университеты раз чи протест кодта, уыдоны. Уым диссагæй ницы уыдзæн, абон сæ «фæтæгмæ» кæй нæ бауагътой, уыцы æвзæнгтæ та сом сæ къухмæ куы райсой дуртæ æмæ хъилтæ, 7 ноябры куыд уыд, афтæ… Гæнæн ис, æмæ уæд Саакашвили йæ «риссаг дæндагимæ» æндæр цыдæртæ дæр фесафа!
"Хурзарин"
ИА ОСинформ
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.
Мы рекомендуем Вам зарегистрироваться либо войти на сайт под своим именем.
Информация
Посетители, находящиеся в группе Гости, не могут оставлять комментарии к данной публикации.
Нашли ошибку?